Peach John——歷久不衰嘅少女心
Peach John可以話係屹立不倒嘅日系少女品牌，
每年都有各種各樣嘅聯名款，花式「搶」各位少女嘅錢～
款式多到無極限
無論係實體舖頭定係網店，Peach John出名款多。
大家可以望吓網店嘅menu長到我cap唔曬😂
入到Peach John真係會揀款揀到眼花。
但佢哋主打都係少女款，加近年新加嘅簡約設計。
如果你熱愛華麗或者少女風設計，
Peach John絕對係贏家！🥇
第一印象——Pad大過我對胸
我記得我第一次去Peach John嘅時候就係俾啲款吸引到，
入到去摸佢哋啲product嚇親我——超厚pad🤣（比我對胸更大…）
但我後來發現，好似係好多日本牌子嘅通病，
可能係日本人更追求強勁push-up效果？
大家應該睇得出效果超誇張，
個杯入面啲肉就快逼到滿瀉😂
如果想要大波，Peach John應該幫到你～
但對於身形修飾或者功能就…幾乎無，
基本上就係以外觀取勝嘅牌子。
試身環境有待加強
試身室我覺得偏細，加上我去呢間，
個試身室喺正門口…
店員入嚟嘅時候超驚會俾出面望到。
