Her Own Words —— 本地中規中矩安全牌
Her Own Words算係最接近傳統大brand嘅內衣牌子，分店更係遍佈港九新界。
佢哋有清晰嘅會員制度，入會同生日有折扣，另外儲分當錢用。
佢哋喺香港本地品牌嚟講，真係可以話做得穩定成功。
清晰價錢+網購選擇
Her Own Words其中最好嘅就係明碼實價！
因為好多小店，甚至係一啲大牌子，都好難喺去舖頭前知道啲嘢大概幾錢，
但Her Own Words有完整網點，所以可以事先了解佢哋嘅款同價錢，
對於消費者嚟講會安心好多！
（以上是Her Own Words官網截圖）
款式選擇超級無敵多
去睇佢哋網站就知，款式選擇以本地品牌嚟講真係超多元化。
因為大部分牌子都會有一定嘅風格定位，但Her Own Words極簡到多蕾絲嘅都有，
可以話係滿足絕大部分女士嘅要求。
（以上均為Her Own Words官網截圖）
另外值得一提嘅係，佢哋產品圖有啲會用唔同size嘅model，
比起好多單影campaign相嘅牌子，咁樣更可以貼近消費者嘅需要，非常抵讚！👍
試身室舒適
佢哋大部分舖頭嘅試身室空間都算舒服，
空間充足，唔會覺得壓迫感強。
但如果係超注意私隱度的話，
大部分舖頭門口其實就望到試身室，
加上係大brand，舖頭都係商場敞開大門嘅，
私隱度可能略為不足。
內衣實力…正常水準
其實Her Own Words主打都係舒服日常內衣，
唔好expect佢哋有咩強勁嘅功能。
可以見到內衣款式算新穎，
但功能就…可能係我揀嘅款問題，
承托力同包覆力都有啲強差人意，
但舒適程度係ok嘅。
但舖頭職員就真係sales，
主力著重銷量，feel到對內衣同fitting都唔太專業。
