6ixty8ight——價錢戰贏家
呢個幾乎每個商場都有嘅6ixty8ight，應該係所有香港女士都耳熟能詳嘅內衣牌子。
呢個2002年創立嘅本地品牌，應該係香港走得最遠嘅內衣品牌，亞洲區有超過100間分店。
呢個牌子嘅成功，可以話係第一間顛覆內衣價錢嘅內衣品牌。
有牌子嘅平價內衣元祖
喺6ixty8ight創立嘅千禧年代，平價嘅內衣大部分都係花園街、無牌子小店，
商場入面有牌子嘅基本上一個bra最平都要$250起跳，更貴嘅佔大多數，
所以6ixty8ight嘅出現，絕對係顛覆有牌子嘅內衣價錢。
從一開始佢哋就係主攻學生，主打價錢、款式戰。
（以上為6ixty8ight官網截圖）
直到宜家，佢哋大部分嘅bra款都唔過$100，喺香港呢個物價如此高嘅地方，
絕對係難以打敗嘅價錢。
加上內衣本來就係女生必備，仲要定期換，
對於學生族真係非常友好。
內衣實力與價錢成正比
可以做得咁平價，當然都係有原因。
佢哋嘅bra款式算非常多，會有聯名款式，
但著上身就會feel到布料唔算親膚，功能更加可以話係零。
可以見到罩杯上方空杯比較明顯，就連兩側其實都唔太貼合身體。
所以就產品實力嚟講，就係呢個價錢expect到嘅。
如果你真係學生，身形超完美零問題，都可以著吓；
但如果你唔想身形走樣，稍微預算鬆動少少，
其實都建議bra可以揀其他牌子。
另外一提就係尺寸選擇可能真係target學生，
所以啲碼偏細，最大只到C。
店舖體驗
基本上店員唔會主動埋身，所以如果你係好驚sales的話，喺6ixty8ight揀bra會輕鬆好多，可以慢慢試。
但當然缺點就係就算你開口問，其實啲sales都只可以幫你搵貨，無太多實際嘅幫助。
