Depic——台灣人氣內衣
最近去咗台灣玩幾日，試咗兩間比較多人討論嘅內衣牌子；
其中一件就係Depic，算係比較新同受年輕人歡迎嘅牌子。
款式超多嘅普通內衣
一入到舖頭，佢哋嘅款真係多，而且display超似賣比基尼😂
佢哋其實大部分嘅款都係時下比較流行嘅款，
從極簡到超sexy嘅都有，所以都可以明白點解咁多年輕人鍾意，
因為想襯衫一定可以揀到啱style嘅款。
雖然佢哋都有啲肩帶比較粗嘅功能款，但主要都係流行款，
主打話功能款嘅其實效果都唔係咁理想。
真實試身效果——就係一般內衣
內衣樣靚當然好，但最重要嘅都係著上身效果如何。
我試嘅呢個款就係主打功能款，話「豐挺黃金比例」。
可以見到就係非常普通有pad嘅push-up bra…
啲副乳完全係零修飾，承托力一樣欠缺，
所以著上身覺得就係夾咗條線出嚟，但胸形其實無修飾。
店舖體驗
我嗰日去嘅時候比較早，所以舖頭其實無咩人；
但入到去都主要係自己睇，無職員主動接待。
本身其實揀咗款我覺得幾靚，想買嚟襯吓衫，但職員話要訂，要一個星期，
但我嚟得四日三夜，無辦法等。
我喺試身室嘅時候佢攞呢個款嘅黑色俾我試。
我話想要啡色，佢叫我試咗size先。點知試完啱size喇，又同我講要訂…
出到嚟先見到本來就係無貨嘅款…
即刻走人咩都無買。
