Mode Marie——台灣老牌內衣
呢個牌子其實已經進駐香港超過10年，相信唔少女士都有聽過。
Mode Marie喺台灣都算係主要內衣牌子之一，所以一定嘅忠實顧客。
價錢中等
以一個大牌子嚟講，佢哋價錢其實算公道；基本上大部分款都係$500以內。
（以上為Mode Marie香港官網截圖）
蕾絲款多，舒適感有待加強
台灣牌子一向蕾絲款會比較多，Mode Marie嘅都係一樣，
有非常多選擇，顏色都好多，基本上一定搵到鍾意嘅。
但Mode Marie其實係主打功能，咁就要嚟望真啲喇。
其實可以見到集中力同承托力都唔太夠。
我著其他功能牌子嘅款可以明顯見到胸部飽滿啲，事業線都好明顯。但喺Mode Marie試，胸部位置明顯無提升，反而仲有啲下垂feel。
腋下副乳都完全修飾唔到，所以論功能的話，真係有啲強差人意。
另外一提，我試咗幾個款，都feel到鋼圈喺心口中間有啲頂住嘅感覺，唔知係咪我身形問題，但舒適度都唔太好。
店舖環境空間感充足
我去嗰間係佐敦嘅旗艦店，空間感非常充足。
但我嗰日去係星期六，人流算多。但成間舖得一個職員，
所以如果大家撞正係weekend去，就要有心理準備要等耐少少。
