邊個類別，邊個最勁？
我哋走訪香港大小內衣店，按唔同角度整理出以下排行榜，全部都係3個女仔親身試身嘅真實紀錄。
線下體驗排行榜
邊間內衣店嘅試身服務最貼心？
睇完整排行 →線下體驗排行榜
邊間內衣店嘅試身服務最貼心？
#1 A Good Bra/Fit
職員fitting專業，會分析身形問題同教你點著，效果即時明顯，環境舒服；但一定要book，行街客要等好耐，仲要淨一間分店。
#2 Satami
調整手法有實際效果，款式多，理想胸型效果好；不過款式偏舊，銷售壓力大啲，冇教點自己戴，返屋企好難重現。
#3 玉如阿姨
有系統嘅試身流程，職員態度友善；不過質素同價錢掛勾，物料唔夠舒適，網店同門市貨源唔一致。
#4 Hafina
職員可以答到身形相關問題，高包覆款，集中提升效果好；但行銷同試身室似美容院，銷售壓力頗大，壓力感比一般bra強，會有束縛感。
#5 Her Own Words
款式選擇多，職員態度親切；但sales幾乎冇fitting知識，主要以銷售為主，對身形改善幫助有限。
最索身形排行榜
邊個品牌著出嚟線條最靚？
睇完整排行 →最索身形排行榜
邊個品牌著出嚟線條最靚？
#1 A Good Bra/Fit
前BodiBra創辦人開嘅新品牌，主打一對一專業諮詢，即時修身效果明顯；缺點係要book同得一間分店。
#2 Satami
香港老牌功能內衣，分店多、款式多，有口碑；但設計傳統，銷售手法有啲進取，冇乜客人教育。
#3 Hafina
主打美容院式行銷，高壓縮承托效果好；但銷售壓力大，著落有束縛感。
#4 Miro
本地品牌扮日系，主打無鋼圈功能內衣；但宣傳手法有誤導成分，銷售壓力極大，主推昂貴套裝。
#5 Mode Marie
台灣品牌，蕾絲款多、顏色選擇多；「功能比一般內衣好少少，但唔算太修飾身形」。
外貌協會排行榜
邊隻bra包裝同設計最吸引？
睇完整排行 →外貌協會排行榜
邊隻bra包裝同設計最吸引？
#1 Peach John
日系品牌，少女風無得輸，聯乘款多，蕾絲/簡約都齊；缺點係pad厚、對身形要求高，舒適度一般。
#2 Intimissimi
歐洲隨性性感風，薄身設計啱香港氣候，蕾絲質感靚；主要缺點係修飾身形效果弱，對身形要求極高。
#3 Depic
台灣品牌，款式由簡約到性感都齊，潮流感強、價錢親民；品牌辨識度唔算高，香港要網購為主。
#4 Her Own Words
本地品牌，設計夠現代，分店遍佈香港，舒適度足夠；定價偏高，修身效果有限。
#5 Mode Marie
台灣品牌，蕾絲款式、顏色選擇多；設計偏舊，功能性同舒適度都一般。