我哋一個一個牌子試俾你睇
零贊助；我哋走訪各大內衣店，親身試著感受，為求等大家少中伏。
Satami
香港功能內衣元老
睇全文測評 →Satami
香港功能內衣元老
Satami係香港其中一個最歷史悠久嘅功能內衣品牌，1980年代就已經創立。
講到功能內衣，好多香港女仔第一個諗起嘅都會係Satami。
咁呢個香港功能內衣元老牌子嘅實力如何呢？
Online網店都買到
以本地功能內衣品牌嚟講，佢哋嘅規模其實做得幾大，
因為佢哋係少有可以寄送外國嘅香港內衣品牌！
而且佢哋Online其實款式都幾多吓。
但功能內衣主打係要搵到符合身形需要嘅款，做到改善身形嘅效果；
一般人其實唔知自己需要啲咩，網購就更容易出錯，
所以一個功能內衣牌子有做online shop呢件事有啲…
唔再係功能內衣為主
Satami的確係功能內衣起家，但隨住時代發展，
佢哋其實大部分嘅款已經更接近普通嘅內衣款式。
但當然，佢哋依然都有功能內衣賣，只不過已經唔再係佢哋嘅唯一。
效果唔錯但款式老套
佢哋身為資深功能內衣品牌，其實實力的確唔錯。
個bra嘅承托、包覆同集中其實都做得幾好,
但舖頭入面啲款全部都比較傳統同老套，
睇呢個豹紋配黑色蕾絲就知🤣
但佢哋網上面其實有啲比較簡單嘅款，舖頭就見唔到。
店舖體驗
揀bra嘅時候sales主要以推銷為主，其實無咩功能內衣brand嘅感覺，
都係介紹啲新款或者熱門款，無話根據我身形幫我揀。
Satami畢竟係大brand，舖頭嘅試身室多，而且私隱度都絕對過關！
相入面著出嚟嘅效果其實係sales入嚟調整嘅，但全程無講解，
所以舖頭試嘅效果無錯，但返到屋企自己就未必著得返喇。
整體評分
Intimissimi
意大利隨性性感
睇全文測評 →Intimissimi
意大利隨性性感
呢個意大利品牌好多商場都有，相信唔少女士都有見過。
佢哋嘅形象就係歐洲簡約、隨性、性感，除咗內衣，佢哋都有好多睡衣嘅選擇。
整體感覺會比較成熟，價錢都唔算平價。
香港比較少有嘅風格
呢類型多被劃分成法式，其實就係以輕薄罩杯為主，
大部分唔會有太多pad，甚至會有無pad嘅透視蕾絲款。
香港內衣市場多以亞洲品牌為主，呢類型比較大膽、唔太修飾身形嘅接受程度無咁高，
所以Instimissimi算係香港少有嘅風格。
店舖體驗
內衣效果——細胸友好，外觀取勝
私心推薦——睡衣系列
雖然佢哋主打係內衣，但我自己私心覺得佢哋最出色嘅係睡衣！
如果預算充足，佢哋嘅絲質同cashmere睡衣系列都好正！
整體評分
玉如阿姨
香港人更多嘅平價台灣牌子
睇全文測評 →玉如阿姨
香港人更多嘅平價台灣牌子
玉如阿姨網上真係超多人講，好多人都話平靚正。
佢哋網上款式超級多，而且佢哋有海外配送，所以都幾受香港人歡迎；
因為連埋運費，都比香港好多內衣brand平。
咁啱去台灣玩，所以我都有上網揀定款打算去舖頭試。
網上同舖頭唔同款
本身我係出發前睇好款先去試，但點知去到職員話我知，
舖頭有嘅款同網上會有啲唔同，
所以我只好喺舖頭再揀。
但佢哋舖頭嘅款其實都係掛到滿牆，所以想要去到慢慢揀都可以。
店舖體驗
我嗰日舖頭超爆多人，仲要全部都係香港人，一個台灣人都無😂
試身過程職員會幫手，試身室有髮夾提供算幾貼心，而且試身室好大！
內衣質素就…比想像中差
因為網上有好多讚嘅post，所以我對佢哋期望其實幾高，
但現實就係質素真係比預期嘅差；好多簡單款嘅布料都太挺身，唔太舒服。
因為佢哋主打係功能內衣，我嘅標準都會以功能內衣評價。
老實講，效果都係普通內衣；但同Depic比，我覺得玉如阿姨嘅包覆會好啲，
至少唔會成舊副乳飛出嚟。
但價錢真係同質素成正比，我揀咗幾款都係$150，真係超平。
我最後都係買咗一個頂檔，因為我旅行帶唔夠bra😂
整體評分
Depic
台灣人氣內衣
睇全文測評 →Depic
台灣人氣內衣
最近去咗台灣玩幾日，試咗兩間比較多人討論嘅內衣牌子；
其中一件就係Depic，算係比較新同受年輕人歡迎嘅牌子。
款式超多嘅普通內衣
一入到舖頭，佢哋嘅款真係多，而且display超似賣比基尼😂
佢哋其實大部分嘅款都係時下比較流行嘅款，
從極簡到超sexy嘅都有，所以都可以明白點解咁多年輕人鍾意，
因為想襯衫一定可以揀到啱style嘅款。
雖然佢哋都有啲肩帶比較粗嘅功能款，但主要都係流行款，
主打話功能款嘅其實效果都唔係咁理想。
真實試身效果——就係一般內衣
內衣樣靚當然好，但最重要嘅都係著上身效果如何。
店舖體驗
我嗰日去嘅時候比較早，所以舖頭其實無咩人；
但入到去都主要係自己睇，無職員主動接待。
本身其實揀咗款我覺得幾靚，想買嚟襯吓衫，但職員話要訂，要一個星期，
但我嚟得四日三夜，無辦法等。
整體評分
Mode Marie
台灣老牌內衣
睇全文測評 →Mode Marie
台灣老牌內衣
呢個牌子其實已經進駐香港超過10年，相信唔少女士都有聽過。
Mode Marie喺台灣都算係主要內衣牌子之一，所以一定嘅忠實顧客。
價錢中等
以一個大牌子嚟講，佢哋價錢其實算公道；基本上大部分款都係$500以內。
蕾絲款多，舒適感有待加強
台灣牌子一向蕾絲款會比較多，Mode Marie嘅都係一樣，
有非常多選擇，顏色都好多，基本上一定搵到鍾意嘅。
但Mode Marie其實係主打功能，咁就要嚟望真啲喇。
店舖環境空間感充足
我去嗰間係佐敦嘅旗艦店，空間感非常充足。
但我嗰日去係星期六，人流算多。但成間舖得一個職員，
所以如果大家撞正係weekend去，就要有心理準備要等耐少少。
整體評分
A Good Bra/Fit
傳奇馬太
睇全文測評 →A Good Bra/Fit
傳奇馬太
A Good Bra/Fit嘅創辦人係馬太，佢應該係香港本地功能內衣嘅元祖之一；
嗰句「買錯胸圍戴錯bra」應該好多人都聽過，就係馬太創造嘅名言。
如果我資料無誤，馬太應該就係心心內衣，即係後期演變成BodiBra嘅創辦人。
佢離開前品牌，再到創辦A Good Bra/Fit，到底宜家水準如何呢？
打破江湖傳聞
唔知喺邊度聽返嚟嘅傳聞，話馬太好惡，所以我上舖頭之前都有啲驚，
但我想講，馬太本人完全唔惡😂
我第一次上去係馬太幫我做fitting，佢會好明確話俾我聽問題喺邊，
仲教我點撥先改善到問題，overall我覺得馬太真係專業，同埋幾nice。
但唔排除有人會覺得馬太講嘢太直接，因為佢會同我講因為我一直戴錯bra，所以望落胃腩位會肥肥哋😂
價錢清晰
呢啲樓上舖，最驚嘅就係唔知價錢，
但A Good Bra/Fit官網就清楚搵到幾錢，唔洗驚上到去海鮮價。
但老實講，佢哋價錢唔算平，同埋有見到有啲comment話啲款網上好易搵到；
但我自己覺得主要係有個專業嘅人幫我fit，著出嚟效果真係差好遠。
我都有望過網上有啲類似嘅款，但係咪真係完全一樣我覺得未必。
真係有用嘅功能內衣
以前都有試過功能內衣，但覺得全部都得個講字，
著上身會明顯feel到身形係逼出嚟；
但喺A Good Bra/Fit試嘅都比以前嘅舒服好多，
而且大家望吓條事業線😍
（都係嗰句，想要線條keep住靚，記得用我哋嘅cream夜晚按摩保養～）
試身環境
Btw，大家望到相都應該feel到，
個fitting room超級大，空間感充足，同埋入到去一個bra到見唔到，
成個feel幾chill，唔會話好大壓迫感。
馬太團隊？
我係click入佢哋廣告之後book嘅，
見到網頁有提及馬太團隊。
上到去發現有其他職員負責客人fitting，
所以應該唔係所有客人都係馬太做。
我前後去咗兩次，第二次幫我嘅唔係馬太，但一樣專業，甚至比馬太再溫柔啲哈哈。
整體評分
6ixty8ight
價錢戰贏家
睇全文測評 →6ixty8ight
價錢戰贏家
呢個幾乎每個商場都有嘅6ixty8ight，應該係所有香港女士都耳熟能詳嘅內衣牌子。
呢個2002年創立嘅本地品牌，應該係香港走得最遠嘅內衣品牌，亞洲區有超過100間分店。
呢個牌子嘅成功，可以話係第一間顛覆內衣價錢嘅內衣品牌。
有牌子嘅平價內衣元祖
喺6ixty8ight創立嘅千禧年代，平價嘅內衣大部分都係花園街、無牌子小店，
商場入面有牌子嘅基本上一個bra最平都要$250起跳，更貴嘅佔大多數，
所以6ixty8ight嘅出現，絕對係顛覆有牌子嘅內衣價錢。
從一開始佢哋就係主攻學生，主打價錢、款式戰。
直到宜家，佢哋大部分嘅bra款都唔過$100，喺香港呢個物價如此高嘅地方，
絕對係難以打敗嘅價錢。
加上內衣本來就係女生必備，仲要定期換，
對於學生族真係非常友好。
內衣實力與價錢成正比
可以做得咁平價，當然都係有原因。
佢哋嘅bra款式算非常多，會有聯名款式，
但著上身就會feel到布料唔算親膚，功能更加可以話係零。
店舖體驗
基本上店員唔會主動埋身，所以如果你係好驚sales的話，喺6ixty8ight揀bra會輕鬆好多，可以慢慢試。
但當然缺點就係就算你開口問，其實啲sales都只可以幫你搵貨，無太多實際嘅幫助。
整體評分
Peach John
歷久不衰嘅少女心
睇全文測評 →Peach John
歷久不衰嘅少女心
Peach John可以話係屹立不倒嘅日系少女品牌，
每年都有各種各樣嘅聯名款，花式「搶」各位少女嘅錢～
款式多到無極限
無論係實體舖頭定係網店，Peach John出名款多。
第一印象——Pad大過我對胸
我記得我第一次去Peach John嘅時候就係俾啲款吸引到，
入到去摸佢哋啲product嚇親我——超厚pad🤣（比我對胸更大…）
但我後來發現，好似係好多日本牌子嘅通病，
可能係日本人更追求強勁push-up效果？
大家應該睇得出效果超誇張，
個杯入面啲肉就快逼到滿瀉😂
如果想要ji shi即時變大波，Peach John應該幫到你～
但對於身形修飾或者功能就…幾乎無，
基本上就係以外觀取勝嘅牌子。
如果想要從根本變大波，唔靠砵仔糕，
建議大家都係搵個專業嘅功能內衣牌子，再配合按摩保養～
試身環境有待加強
試身室我覺得偏細，加上我去呢間，
個試身室喺正門口…
店員入嚟嘅時候超驚會俾出面望到。
整體評分
Her Own Words
本地中規中矩安全牌
睇全文測評 →Her Own Words
本地中規中矩安全牌
Her Own Words算係最接近傳統大brand嘅內衣牌子，分店更係遍佈港九新界。
佢哋有清晰嘅會員制度，入會同生日有折扣，另外儲分當錢用。
佢哋喺香港本地品牌嚟講，真係可以話做得穩定成功。
清晰價錢+網購選擇
Her Own Words其中最好嘅就係明碼實價！
因為好多小店，甚至係一啲大牌子，都好難喺去舖頭前知道啲嘢大概幾錢，
但Her Own Words有完整網點，所以可以事先了解佢哋嘅款同價錢，
對於消費者嚟講會安心好多！
款式選擇超級無敵多
去睇佢哋網站就知，款式選擇以本地品牌嚟講真係超多元化。
因為大部分牌子都會有一定嘅風格定位，但Her Own Words極簡到多蕾絲嘅都有，
可以話係滿足絕大部分女士嘅要求。
（以上均為Her Own Words官網截圖）
另外值得一提嘅係，佢哋產品圖有啲會用唔同size嘅model，
比起好多單影campaign相嘅牌子，咁樣更可以貼近消費者嘅需要，非常抵讚！👍
試身室舒適
內衣實力…正常水準
其實Her Own Words主打都係舒服日常內衣，
唔好expect佢哋有咩強勁嘅功能。
整體評分
Hafina
少有嘅自家設計功能內衣
睇全文測評 →Hafina
少有嘅自家設計功能內衣
Hafina見佢哋網站已經慶祝咗10週年，係香港少有嘅創辦人自己設計嘅內衣品牌。
創辦人Sorry姐可以話係品牌嘅靈魂人物，更自稱為收副乳專家；可以睇得出副乳係Hafina最主打解決嘅身形問題。
咁Hafina喺功能內衣牌子入面，功力同各方面體驗到底如何呢？
預約前—美容院營銷？
Hafina採取嘅係預約一對一諮詢模式，我喺book之前都有去望吓佢哋嘅website同IG，發現唔太搵到佢哋有嘅款同埋bra嘅價錢。
因為係一對一服務，仲要搵唔到每個product幾錢，其實有少少驚去到會被㩒住嚟劏…
近期見到佢哋嘅廣告，除咗bra之外，好似有豐胸油同保養療程；再望望佢哋website同廣告，真係好似美容院😅
（以上均為Hafina IG截圖）
新奇技術—話可以排乳暈黑色素？
Hafina近期經常提及一個叫Pink Technology嘅布料技術，聲稱可以排出因為摩擦形成嘅乳暈黑色素，同時可以抑菌，仲可以減淡乾紋。
聽落去的確幾吸引，邊個女仔唔想要粉紅色乳暈？但我個人對呢個技術有些許存疑。
我去fitting嘅時候有試到，罩杯裡面嘅布料的確係親膚柔軟。
所以我相信摩擦應該係會比一般嘅bra少，自然就會減少黑色素生成；布料可以抑菌我都覺得應該係真，因為唔係咩新嘢。
但可以排走黑色素就…我無從考究。但我覺得，如果戴個bra就可以做到的話，點仲會有咁多人花咁多錢去做美容療程？🤨
店舖試身室—真係美容院房…
頭先先話覺得佢哋嘅website、廣告同IG都勁似美容院，點知上到去做fitting，真係美容院咁😂
產品實力—親膚包覆力好嘅bra
佢哋主打嘅技術頭先講過，布料的確親膚，比一般嘅bra柔軟。
佢哋bra款大部分包覆力都好好，基本上真係可以將啲鬼祟肉撥返去胸前，集中力相當唔錯。
可以見到佢哋嘅款都係功能款式，包覆程度比一般bra高好多；
如果真係想改善身形，呢啲款當然就適合，但如果著開一般bra的話，會需要一段時間適應。
因為我覺得佢哋嘅功能款比我之前試過嘅功能款更包，戴唔慣的話可能會覺得有啲拘束。
順帶一提，雖然之前好驚被sell，但店舖職員專業，亦唔算hard-sell。
整體評分
Miro
舊概念翻新嘅日系港牌？
睇全文測評 →Miro
舊概念翻新嘅日系港牌？
Miro喺香港內衣市場嚟講，算係最後生嘅一個品牌，係2018年先創立。但呢幾年擴展速度極快‼️
相信唔少女士都可能已經試過，或者有想要去試；主打無鋼圈育胸，仲要無鋼圈就做到，的確符合好多人宜家嘅追求。
宜家就同大家拆解一下呢個算新嘅品牌，到底係何方神聖！
真實背景—到底係咪日本牌子？
Miro應該係香港本地牌子。
品牌嘅logo設計、企劃宣傳、廣告設計等都大量使用日文和日本技術等字眼，所以唔少人可能會認為Miro係日本品牌。
我哋有去官網望過，並無明確嘅相關資料。但喺媒體報導嘅第一篇就係日本雜誌，但雜誌上寫嘅地址係香港荔枝角…?（有係喺日本雜誌買廣告嘅嫌疑）
另外品牌主打其中一項「日本專利技術」Biyutech，其實都難以搵到其他嘅相關資料，無從證實技術嘅真正來源。
Miro關於品牌真實嘅背景來源其實比較模糊，好明顯係主打日系功能內衣，但有啲感覺係香港品牌玩文字遊戲？🧐
品牌定位—無鋼圈功能內衣 +日夜育乳
Miro揀嘅定位其實算特別，因為市面上絕大部分嘅功能內衣牌子都係主打有鋼圈嘅bra；但Miro就反其道而行，反而更加打中年輕一代追求輕盈舒適嘅市場。
功能內衣大部分都會話有鋼圈嘅承托會好啲，會快啲見到改善效果；但Miro主張用罩杯嘅獨特設計就可以做到舒適承托，以及修飾贅肉嘅效果。
佢哋嘅「日夜育乳」簡單概括，就係朝早著功能內衣，夜晚著睡眠bra。呢個概念其實唔係新嘢，所以可以話係舊概念嘅重新包裝？
真係想要「育乳」，都係要乖乖哋揀個啱身嘅bra，
再配合我哋嘅Lifting Cream就perfect喇✅
產品實測—包覆度高嘅舒適內衣
講完背景同品牌概念，當然最重要都係啲胸圍得唔得啦！
店舖環境—私隱度ok但偏細
Miro大部分舖頭都唔太大，但試身室有係舖頭後面位置，所以私隱度都合格！
整體評分
